കണ്ണൂര്‍: പയ്യന്നൂരില്‍ കുട്ടികള്‍ക്ക് ലഹരി വില്‍പ്പന നടത്തിയ കട നാട്ടുകാര്‍ അടിച്ചു തകര്‍ത്തു. പയ്യന്നൂര്‍ മഹാദേവ ഗ്രാമത്തിലെ മുരളിയുടെ കടയാണ് ഇന്നലെ രാത്രിയോടെ ഒരു സംഘം നാട്ടുകാര്‍ തകര്‍ത്തത്. സ്‌കൂള്‍ വിദ്യാര്‍ത്ഥികള്‍ക്കുള്‍പ്പടെ മാരക സ്വഭാവമുള്ള ലഹരി വസ്തുക്കള്‍ കടയില്‍ വില്‍പ്പന നടത്തുന്നതായി പരാതി ഉണ്ടായിരുന്നു. നേരത്തെ നഗരസഭയും എക്‌സൈസും ഇവിടെ നിന്ന് ലഹരി വസ്തുക്കള്‍ പിടിച്ചെടുക്കുകയും, പിഴയടപ്പിക്കുകയും ചെയ്തിരുന്നു. കഴിഞ്ഞ ദിവസം എക്‌സൈസ്സ് ഇവിടെ നിന്ന് വീണ്ടും ലഹരി വസ്തു പിടിച്ചെടുത്തതിന് പിന്നാലെയാണ് കടക്ക് നേരെ ആക്രമണം ഉണ്ടായത്.
