ധാരാളം ആരോഗ്യ ഗുണങ്ങള് അടങ്ങിയതാണ് ‘കൂൺ’ അഥവാ മഷ്റൂം. പ്രോട്ടീന്, അമിനോ ആസിഡുകള് എന്നിവ ധാരാളമായി കൂണിൽ അടങ്ങിയിരിക്കുന്നു. കൂടാതെ വിറ്റാമിന് ഡി, ബി2, ബി3 എന്നിവയും കൂണില് അടങ്ങിയിട്ടുണ്ട്. ദിവസവും കൂണ് കഴിക്കുന്നത് വിറ്റാമിന് ഡിയുടെ അഭാവം ഉള്ളവര്ക്ക് ഏറെ ഗുണം ചെയ്യും. ശരീരത്തിന് ഊര്ജം പകരാനും പ്രതിരോധശേഷി വര്ധിപ്പിക്കാനും ഇവ സഹായിക്കും. കൂണിന്റെ ആരോഗ്യ ഗുണങ്ങള് എന്തൊക്കെയാണെന്ന് നോക്കാം…
- ഒന്ന്…
- വിറ്റാമിന് ഡിയുടെ കുറവ് ഇന്ന് പലരിലും കാണാറുണ്ട്. സൂര്യപ്രകാശത്തില് നിന്നും മാത്രമല്ല, ഭക്ഷണങ്ങളില് നിന്നും വിറ്റാമിന് ഡി നമ്മുക്ക് ലഭിക്കും. അത്തരത്തില് വിറ്റാമിൻ ഡിയുടെ നല്ല ഉറവിടമായി കണക്കാക്കപ്പെടുന്ന ഒരു ഭക്ഷണമാണ് കൂൺ. അതിനാല് വിറ്റാമിന് ഡി ലഭിക്കാനായി കുട്ടികള്ക്ക് മഷ്റൂം ഡയറ്റില് ഉള്പ്പെടുത്തുന്നത് നല്ലതാണ്.
- രണ്ട്…
- ആന്റി ഓക്സിഡന്റുകള് ധാരാളം അടങ്ങിയ കൂണ് പ്രതിരോധശേഷി വര്ധിപ്പിക്കാന് സഹായിക്കും. അതുപോലെ തന്നെ കുടലിന്റെ ആരോഗ്യത്തിനും ഇവ നല്ലതാണ്.
- മൂന്ന്…
- സോഡിയം കുറവും പൊട്ടാസ്യം അടങ്ങിയതുമായ മഷ്റൂം ഡയറ്റില് ഉള്പ്പെടുത്തുന്നത് ഉയര്ന്ന രക്തസമ്മര്ദ്ദം നിയന്ത്രിക്കാന് സഹായിക്കും.
- നാല്…
- ചീത്ത കൊളസ്ട്രോളായ എൽഡിഎൽ കൊളസ്ട്രോൾ കുറയ്ക്കാനും മഷ്റൂമിന് കഴിവുണ്ട്.
- അഞ്ച്…
- കൂണിലുള്ള നാരുകൾ, പൊട്ടാസ്യം, വിറ്റാമിനുകള് എന്നിവ ഹൃദയാരോഗ്യത്തിനും നല്ലതാണ്.
- ആറ്…
- വണ്ണം കുറയ്ക്കാന് ആഗ്രഹിക്കുന്നവര്ക്ക് ഡയറ്റില് ഉള്പ്പെടുത്താവുന്ന ഒരു ഭക്ഷണമാണ് മഷ്റൂം. 100 ഗ്രാം മഷ്റൂമിൽ മൂന്ന് ഗ്രാം പ്രോട്ടീൻ അടങ്ങിയിട്ടുണ്ട്. മഷ്റൂം കഴിക്കുന്നത് ഭക്ഷണത്തിന്റെ അളവ് കുറയ്ക്കാൻ സഹായിക്കും. ഇവയുടെ കലോറിയും കുറവാണ്. അതുവഴി വണ്ണം കുറയ്ക്കാം.
- ഏഴ്…
- നാരുകള് ധാരാളം അടങ്ങിയ കൂണ് പ്രമേഹ രോഗികള്ക്കും ഡയറ്റില് ഉള്പ്പെടുത്താം.
- എട്ട്…
- ബീറ്റാ കരോട്ടിന്, വിറ്റാിന് എ തുടങ്ങിയവ അടങ്ങിയ മഷ്റൂം കാഴ്ചശക്തി കൂട്ടാനും ചര്മ്മത്തിന്റെ ആരോഗ്യത്തിനും നല്ലതാണ്.
- ഒമ്പത്…
- കാത്സ്യം ധാരാളം അടങ്ങിയ മഷ്റൂം എല്ലുകളുടെ ആരോഗ്യത്തിനും നല്ലതാണ്. അതിനാല് ഇവ ഡയറ്റില് ഉള്പ്പെടുത്താം.
- പത്ത്…
- ശരീരത്തിന്റെ മാത്രമല്ല, മാനസികാരോഗ്യത്തിനും കൂണ് ഡയറ്റില് ഉള്പ്പെടുത്തുന്നത് നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
