അങ്കമാലി: ശനിയാഴ്ച പുലർച്ചെ പിക്കപ് വാനിൽ കടത്തുകയായിരുന്ന ലക്ഷങ്ങൾ വിലമതിക്കുന്ന നിരോധിത ലഹരി വസ്തുക്കൾ പോലീസ് പിടികൂടി. രഹസ്യവിവരം ലഭിച്ചതിന്റെ അടിസ്ഥാനത്തിൽ അങ്കമാലി ടൗണിൽ പോലീസ് വാഹന പരിശോധന നടത്തുന്നതിനിടെയാണ് 58500 പാക്കറ്റ് പാൻപരാഗ് പിടികൂടിയത്. വാഹനത്തിലെ രഹസ്യ അറയിൽ സൂക്ഷിച്ചായിരുന്നു ലഹരി വസ്തുക്കൾ കടത്തിയിരുന്നത്. സംഭവവുമായി ബന്ധപ്പെട്ട് ആലുവ മാറമ്പിള്ളി സ്വദേശികളായ അബ്ദുൽ ജബ്ബാർ, ഹുസൈൻ എന്നിവർ പിടിയിലായതായും സൂചനയുണ്ട്. കൂടുതൽ വിവരങ്ങൾ അറിയാൻ പ്രതികളെ പോലീസ് ചോദ്യം ചെയ്തു വരുന്നു. പാലക്കാട് നിന്നും പെരുമ്പാവൂരിലേക്ക് കൊണ്ടുപോയ ലഹരി വസ്തുക്കളാണ് പിടികൂടിയത്.
