തിരുവനന്തപുരം: സംസ്ഥാന പോലീസ് തലപ്പത്ത് അഴിച്ചുപണി. മുതിര്‍ന്ന ഐപിഎസ് ഉദ്യോഗസ്ഥന്‍ കെ. പത്മകുമാറിനെ പുതിയ ഫയര്‍ഫോഴ്‌സ് മേധാവിയായി സര്‍ക്കാര്‍ നിയമിച്ചു. ഇന്റലിജന്‍സ് എഡിജിപി ടി. കെ വിനോദ് കുമാറിന് ഡിജിപി ആയി സ്ഥാനക്കയറ്റം നല്‍കി. പുതിയ വിജിലന്‍സ് മേധാവിയുടെ ചുമതലയും ടി കെ വിനോദ് കുമാറിനാണ്. ഇന്റലിജന്‍സ് എഡിജിപിയായി മനോജ് എബ്രഹാമിനെ നിയമിച്ചു. സായുധ പോലീസ് ബറ്റാലിയനുകളുടെ പൂര്‍ണ്ണ ചുമതല ക്രമസമാധാന ചുമതലയുള്ള എഡിജിപി എം ആര്‍ അജിത് കുമാറിന് നല്‍കി. പോലീസ് ഹെഡ് ക്വാട്ടേഴ്‌സ് എഡിജിപിയായിരുന്ന ബല്‍റാം കുമാര്‍ ഉപാധ്യായ ആണ് പുതിയ ജയില്‍ മേധാവി. സൈബര്‍ ഓപ്പറേഷന്‍സിന്റെ പൂര്‍ണ്ണ ചുമതല ക്രൈംബ്രാഞ്ച് എ ഡിജിപി എച്ച് വെങ്കിടേഷിന് നല്‍കി. എ അക്ബര്‍ ആണ് പുതിയ കൊച്ചി സിറ്റി പോലീസ് കമ്മീഷണര്‍.
