കുറ്റിപ്പുറം: മുപ്പതോളം മോഷണക്കേസുകളിലെ പ്രതി കുറ്റിപ്പുറം പോലീസിന്റെ പിടിയില്‍. താനൂര്‍ ഒഴൂര്‍ ഷാജഹാനെന്ന കുഞ്ഞുട്ടിയാണ് അറസ്റ്റിലായത്. പ്രതിയ്‌ക്കെതിരേ മലപ്പുറം, കോഴിക്കോട്, പാലക്കാട് ജില്ലയില്‍ കേസുകളുണ്ട്. മോഷണമാണ് കേസുകളിലേറെയും. കഴിഞ്ഞദിവസം കുറ്റിപ്പുറം രാങ്ങാട്ടൂരില്‍ ആളുകളുള്ള വീട്ടില്‍ ഗ്രില്ല് തകര്‍ത്ത് മോഷണം നടത്തിയിരുന്നു. ഉറങ്ങിക്കിടന്ന കുട്ടികളുടെയും സ്ത്രീകളുടെയും ശരീരത്തില്‍ ആഭരങ്ങള്‍ കവര്‍ന്നു. ഈ കേസിലാണ് അറസ്റ്റ്. മുഖം മൂടി ധരിച്ചാണ് മോഷണത്തിനെത്തിയിരുന്നത്. തിരൂര്‍ ഡിവൈഎസ്പി കെ എം ബിജുവിന്റെ നേതൃത്വത്തിലായിരുന്നു അറസ്റ്റ്. പ്രതിയെ കോടതിലെത്തിച്ച് റിമാന്‍ഡ് ചെയ്തു.
