ലൊസാഞ്ചലസ് : ഹോളിവുഡ് നടനും മുന്‍ കലിഫോര്‍ണിയ ഗവര്‍ണറുമായ അര്‍നോള്‍ഡ് ഷ്വാസ്നെഗറിന്റെ (74) കാര്‍ അപകടത്തില്‍പ്പെട്ടു. ഷ്വാസ്നെഗര്‍ പരുക്കേല്‍ക്കാതെ രക്ഷപ്പെട്ടു. അപകടത്തില്‍ ഒരു സ്ത്രീക്ക് പരുക്കേറ്റു. വെള്ളിയാഴ്ച ഉച്ചകഴിഞ്ഞാണ് സംഭവം. റിവേറിയ കണ്‍ട്രി ക്ലബ്ബിന് സമീപം ഷ്വാസ്നെഗറിന്റെ കാര്‍ മറ്റൊരു കാറില്‍ ഇടിക്കുകയായിരുന്നു. കൂട്ടിയിടിക്കിടെ സ്ഥലത്തുണ്ടായിരുന്ന മറ്റ് രണ്ട് കാറുകളിലും ഇടിച്ചു. ഇതിനിടെയാണ് സ്ത്രീക്ക് പരുക്കേറ്റത്. ഇവരെ ആശുപത്രിയില്‍ പ്രവേശിപ്പിച്ചു. സംഭവത്തെക്കുറിച്ച് അന്വേഷിക്കുകയാണെന്ന് ലൊസാഞ്ചലസ് പൊലീസ് അറിയിച്ചു.
