ഗുണ്ടല്‍പേട്ട: കര്‍ണ്ണാടക ഗുണ്ടല്‍പ്പേട്ടില്‍ വാഹനാപകടത്തില്‍ വയനാട് സ്വദേശി മരിച്ചു. പുല്‍പ്പള്ളി ആലൂര്‍കുന്ന് ചരുവിള പുത്തന്‍ വീട്ടില്‍ സുന്ദരേശന്‍ (60) ആണ് മരിച്ചത്. ഭാര്യ അമ്മിണി, അനുജന്‍ സുനീഷ്, മകന്റെ ആറ് വയസ്സുള്ള കുട്ടി എന്നിവര്‍ പരിക്കുകളോടെ ഗുണ്ടല്‍പേട്ട ആശുപത്രിയില്‍ ചികിത്സയിലാണ്. ദേശീയ പാതയില്‍ പച്ചക്കറി മാര്‍ക്കറ്റിന് സമീപമാണ് അപകടമുണ്ടായത്. സുന്ദരേശനും കുടുംബവും സഞ്ചരിച്ച കാര്‍ ലോറിയുമായി കൂട്ടിയിടിക്കുകയായിരുന്നു.ലോറിയിടെ ആനിത വേഗതയാണ് അപകടമുണ്ടാക്കിയത് എന്നാണ് നിഗമനം.
