റിയാദ്: മക്ക മസ്ജിദുൽ ഹറാമിൽ വെള്ളിയാഴ്ച ജുമുഅ നമസ്ക്കാരത്തിന് നേതൃത്വം നൽകുന്നതിനിടെ ഇമാം ശൈഖ് ഡോ. മാഹിര് അല്മുഐഖലി തളർന്നു വീണു. ജുമുഅ പ്രസംഗം പൂർത്തിയാക്കിയ ശേഷം നമസ്കാരം തുടങ്ങിയ ഉടനെയാണ് ഇമാം തളർന്നുവീണത്. ഉടൻ തന്നെ ഇമാമിന് തൊട്ടുപിറകിൽ നമസ്കാരത്തിൽ പങ്കുകൊണ്ടുനിന്ന ഹറം മതകാര്യ വിഭാഗം മേധാവി ശൈഖ് അബ്ദുറഹ്മാന് അല്സുദൈസ് നേതൃത്വം ഏറ്റെടുത്തു നമസ്കാരം പൂര്ത്തിയാക്കി. കുഴഞ്ഞു വീണ ശൈഖ് ഡോ. മാഹിര് അല്മുഐഖലിയെ ഉടൻ ആശുപത്രിയിലേക്ക് മാറ്റി. അദ്ദേഹം ആരോഗ്യം വീണ്ടെടുത്തതായി ബന്ധപ്പെട്ടവർ അറിയിച്ചു.
