കോട്ടയം: പുതുപ്പള്ളിയില് നാലാംകിട നേതാക്കളോട് വികസന സംവാദത്തിനില്ലെന്ന പ്രതിപക്ഷ നേതാവ് വി ഡി സതീശന്റെ പരാമര്ശം ഫ്യൂഡല് മനസ്ഥിതിയെന്ന് മന്ത്രി വി എന് വാസവന്. ജനങ്ങളെ തരംതിരിച്ച് കാണുന്നത് ജനാധിപത്യ വിരുദ്ധമാണ്. വികസന വീക്ഷണത്തോടുള്ള പ്രതിപക്ഷ ശൈലി ശരിയല്ലെന്നും മന്ത്രി പുതുപ്പള്ളിയില് പറഞ്ഞു.
അതേസമയം പുതുപ്പള്ളിയില് എല്ഡിഎഫ് രണ്ടാംഘട്ട പ്രചാരണം വിപുലമാക്കിയിരിക്കുകയാണ്. മന്ത്രിമാരുടെ നേതൃത്വത്തില് വികസന സന്ദേശ സദസുകളും, വനിതാ അസംബ്ലിയും സംഘടിപ്പിക്കാനാണ് തീരുമാനം. ഇതിന് പുറമേ മണ്ഡലത്തിന്റെ വികസന രേഖ തയാറാക്കി ജനങ്ങള്ക്ക് മുന്നില് അവതരിപ്പിക്കാനും തീരുമാനിച്ചിട്ടുണ്ട്. മുഖ്യമന്ത്രി പിണറായി വിജയന് മൂന്ന് ദിവസം മണ്ഡലത്തിലുണ്ടാകും. മറ്റ് നേതാക്കളുടെയും മന്ത്രിമാരുടെ നേതൃത്വത്തില് വികസന സന്ദേശ യാത്രയും സദസുകളും സംഘടിപ്പിക്കും.
