തലമുടി കൊഴിച്ചിലാണ് ഇന്ന് പലരും നേരിടുന്ന ഒരു പ്രശ്നം. പല കാരണങ്ങള് കൊണ്ടും ഇത്തരം പ്രശ്നങ്ങള് ഉണ്ടാകാം. തലമുടിയുടെ ആരോഗ്യത്തിനായി ഭക്ഷണത്തിന്റെ കാര്യത്തില് പ്രത്യേകം ശ്രദ്ധ വേണം. തലമുടി വളരാന് കഴിക്കേണ്ട ഒന്നാണ് വിറ്റാമിന് ബി അടങ്ങിയ ഭക്ഷണങ്ങള്. അത്തരത്തില് തലമുടിയുടെ വളര്ച്ചയ്ക്ക് സഹായിക്കുന്ന വിറ്റാമിന് ബി അടങ്ങിയ ചില ഭക്ഷണങ്ങളെ പരിചയപ്പെടാം…
ഒന്ന്…
മുട്ടയാണ് ആദ്യമായി ഈ പട്ടികയില് ഉള്പ്പെടുന്നത്. വിറ്റാമിന് ബി ധാരാളം അടങ്ങിയതാണ് മുട്ട. തലമുടിയുടെ വളർച്ചയ്ക്ക് സഹായകമായ ബയോട്ടിൻ, സിങ്ക് എന്നിവയും മുട്ടയില് ധാരാളമായി അടങ്ങിയിട്ടുണ്ട്. അതിനാല് മുട്ട പതിവായി കഴിക്കുന്നത് തലമുടി വളരാന് സഹായിക്കും.
രണ്ട്…
ചീരയാണ് രണ്ടാമതായി ഈ പട്ടികയില് ഉള്പ്പെടുന്നത്. വിറ്റാമിനുകളുടെ കലവറയാണ് ചീര. വിറ്റാമിന് എ, ബി, സി, ഇ, പൊട്ടാസ്യം, കാത്സ്യം, ഫോളേറ്റ് തുടങ്ങിയ ഒട്ടേറെ ഘടകങ്ങള് ഇവയിലുണ്ട്. അതിനാല് ചീര ഡയറ്റില് ഉള്പ്പെടുന്നത് തലമുടിയുടെ ആരോഗ്യത്തിന് ഏറെ നല്ലതാണ്.
മൂന്ന്…
സാല്മണ് ഫിഷ് ആണ് അടുത്തതായി ഈ പട്ടികയില് ഉള്പ്പെടുന്നത്. ഒമേഗ 3 ഫാറ്റി ആസിഡ് അടങ്ങിയ ഇവ ഡയറ്റില് ഉള്പ്പെടുത്തുന്നത് തലമുടിയുടെ ആരോഗ്യത്തിന് നല്ലതാണ്.
നാല്…
ഓറഞ്ചാണ് നാലാമതായി ഈ പട്ടികയില് ഉള്പ്പെടുന്നത്. തലമുടിയുടെ ആരോഗ്യത്തിനു വേണ്ട വിറ്റാമിന് ബി, സി, ഫോളേറ്റ് തുടങ്ങിയവ ഇവയില് ധാരാളം അടങ്ങിയിട്ടുണ്ട്. അതിനാല് ഓറഞ്ച് കഴിക്കുന്നത് തലമുടിയുടെ ആരോഗ്യത്തിന് ഏറെ ഗുണം ചെയ്യും.
അഞ്ച്…
നട്സാണ് അവസാനമായി ഈ പട്ടികയില് ഉള്പ്പെടുന്നത്. ബദാമും മറ്റിലും വിറ്റാമിന് ബി അടങ്ങിയവയാണ്. അതിനാല് ഇവ ഡയറ്റില് ഉള്പ്പെടുത്തുന്നതും തലമുടിയുടെ വളര്ച്ചയ്ക്ക് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
