ആലുവ> ആലുവ കാരോത്തുകുഴിയില് പാചകവാതക സിലിണ്ടര് പൊട്ടിത്തെറിച്ച് വീട്ടുപകരണങ്ങള് കത്തിനശിച്ചു. വീട്ടുകാര് അത്ഭുതകരമായി രക്ഷപ്പെട്ടു.വാടകയ്ക്ക് താമസിക്കുന്ന റോബിനും കുടുംബവുമാണ് അത്ഭുതകരമായി രക്ഷപ്പെട്ടത്. ഇന്ന് രാവിലെ ആറുമണിക്കാണ് സംഭവം.
ഗ്യാസ് തീര്ന്നതിനെ തുടര്ന്ന് പുതിയ ഗ്യാസ് സിലിണ്ടര് കണക്ട് ചെയ്തിരുന്നു. പാചകം തുടങ്ങിയപ്പോള് തന്നെ അഗ്നിബാധയുണ്ടായി. ഇതുകണ്ട് ഭയന്ന് റോബിന് വീട്ടിലുള്ള ബ്ലാങ്കറ്റ് ഉപയോഗിച്ച് സിലിണ്ടര് മൂടാന് ശ്രമിച്ചു. ശ്രമം പരാജയപ്പെട്ടപ്പോള്എല്ലാവരും പുറത്തേയ്ക്ക് ഇറങ്ങുകയായിരുന്നു. ഇതിനാല് വലിയ ദുരന്തം ഒഴിവാകുകയായിരുന്നു.ഇതിന് പിന്നാലെ സിലിണ്ടര് പൊട്ടിത്തെറിച്ചു
വീട്ടുപകരണങ്ങള് എല്ലാം കത്തി നശിച്ചു.റോബിനും ഭാര്യയും ഒരു മകളുമാണ് വീട്ടിലുണ്ടായിരുന്നത്. രണ്ട് വര്ഷത്തോളമായി റോബിനും കുടുംബവും ഇവിടെ വാടകക്ക് താമസിച്ചുവരുന്നു.
