തിരുവനന്തപുരം > സംസ്ഥാനത്ത് എട്ടു ജില്ലയിൽ ശനിയാഴ്ച താപനില ഉയരുമെന്ന് കാലാവസ്ഥാ വകുപ്പ്. കൊല്ലം, കോട്ടയം ജില്ലകളിൽ സാധാരണയെക്കാൾ മൂന്നു മുതൽ അഞ്ചു ഡിഗ്രിവരെ ഉയർന്ന് 36 ഡിഗ്രിവരെ താപനില ഉയരാം. തിരുവനന്തപുരം, ആലപ്പുഴ, പാലക്കാട് ജില്ലകളിൽ 34 ഡിഗ്രിവരെയും കണ്ണൂർ, എറണാകുളം, തൃശൂർ ജില്ലകളിൽ 33 ഡിഗ്രിവരെയും താപനിലയുണ്ടാകും. ഇത് സാധാരണയെക്കാൾ മൂന്നു മുതൽ നാലുവരെ ഡിഗ്രി അധികമാണ്.
