മുംബൈ ∙ സാന്താക്രൂസിലെ ഹോട്ടൽ ഗാലക്സിയിലുണ്ടായ തീപിടിത്തത്തിൽ മൂന്നു മരണം. അഞ്ചു പേർക്കു പരുക്കേറ്റു. ഉച്ചയ്ക്ക് ഒരുമണിയോടെ ഹോട്ടലിന്റെ രണ്ടാംനിലയിലാണു തീപിടിത്തമുണ്ടായത്. എട്ടുപേരെ ഹോട്ടലിൽനിന്നു രക്ഷിച്ച് ആശുപത്രിയിൽ പ്രവേശിപ്പിച്ചതായി അധികൃതർ പിടിഐ വാർത്താ ഏജൻസിയോട് പറഞ്ഞു.തീ നിയന്ത്രണ വിധേയമാണെന്നും കെട്ടിടത്തിനുള്ളിൽ കുടുങ്ങിക്കിടക്കുന്നവരെ രക്ഷപ്പെടുത്താനുള്ള ശ്രമങ്ങൾ പുരോഗമിക്കുകയാണെന്നും അധികൃതർ അറിയിച്ചു. നാല് ഫയർ എൻജിനുകളും നിരവധി വാട്ടർ ടാങ്കുകളും സ്ഥലത്തുണ്ട്.
