ന്യൂഡൽഹി ∙ നിയമവിരുദ്ധമായി രണ്ട് മണ്ഡലങ്ങളിലെ വോട്ടർ പട്ടികയിൽ പേര് ഉൾപ്പെട്ടതിനെ തുടർന്ന് ഡൽഹി മുഖ്യമന്ത്രി അരവിന്ദ് കേജ്‌രിവാളിന്റെ ഭാര്യ സുനിത കേജ്‌രിവാളിനെ കോടതി വിളിപ്പിച്ചു. കഴിഞ്ഞ നവംബറില്‍, ബിജെപി നേതാവ് ഹരിഷ് ഖുരാന നൽകിയ പരാതിയിലാണ് മെട്രോപൊളിറ്റൻ മജിസ്ട്രേറ്റ് കോടതി നടപടി സ്വീകരിച്ചത്. ഉത്തർപ്രദേശിലെ സാഹിബാബാദ്, ഡൽഹിയിലെ ചാന്ദ്നി ചൗക്ക് എന്നീ മണ്ഡലങ്ങളിൽ സുനിതയുടെ പേര് ഉള്ളതായി പരാതിയിൽ പറയുന്നു. ജനപ്രാതിനിധ്യ നിയമത്തിലെ 17–ാം വകുപ്പു പ്രകാരമുള്ള കുറ്റത്തിന് 2 വർഷം തടവാണ് പരമാവധി ശിക്ഷ.
