തിരുവനന്തപുരം: ലോകായുക്ത ഭേദഗതിക്കെതിരായ പ്രതിഷേധം കടുപ്പിക്കാൻ പ്രതിപക്ഷ തീരുമാനം. ഓര്ഡിനന്സിൽ ഒപ്പ് വയ്ക്കരുതെന്നെവശ്യപ്പെട്ട് യു ഡി എഫ് പ്രതിനിധി സംഘം ഗവര്ണറെ കാണും. പ്രതിപക്ഷ നേതാവിന്റെ നേതൃത്വത്തില് നാളെ രാവിലെ 11:30- നാണ് യു ഡി എഫ് പ്രതിനിധി സംഘം രാജ്ഭവനില് ഗവര്ണറെ സന്ദര്ശിക്കുന്നത്.
പ്രതിപക്ഷ നേതാവ് വി.ഡി സതീശന്, ഉമ്മന് ചാണ്ടി, രമേശ് ചെന്നിത്തല പി.എം.എ സലാം, മോന്സ് ജോസഫ്, എ.എ അസീസ്, സി.പി ജോണ്, ജി ദേവരാജന് എന്നിവരാണ് പ്രതിനിധി സംഘത്തിലുള്ളത്. നിയമവിരുദ്ധമായ ലോകായുക്ത ഭേദഗതി ഓര്ഡിനന്സില് ഒപ്പുവയ്ക്കരുതെന്ന് ആവശ്യപ്പെട്ട് പ്രതിപക്ഷ നേതാവ് ചൊവ്വാഴ്ച ഗവര്ണര്ക്ക് കത്ത് നല്കിയിരുന്നു. ഇതിനു പിന്നാലെയാണ് ഗവര്ണറെ നേരില്ക്കണ്ട് ഇക്കാര്യം ആവശ്യപ്പെടാന് യു.ഡി.എഫ് നേതൃത്വം തീരുമാനിച്ചത്.
