കൊല്ലം: കരുനാഗപ്പള്ളിയിൽ രണ്ട് മോഷണകേസുകളിൽ പ്രതികൾ പിടിയിൽ. വാഴാലിക്കടവ് മുസ്ലിം പള്ളിയിലെ നബിദിനാഘോഷത്തിന്‍റെ അലങ്കാര ബൾബുകൾ മോഷ്ടിച്ചതിന് കല്ലേലിഭാഗം സ്വദേശി ഗോപകുമാറും കരുനാഗപ്പള്ളി താലൂക്ക് ആശുപത്രിയിൽ നിന്ന് ഇൻവർട്ടർ മോഷ്ടിച്ചതിന് കരുനാഗപ്പള്ളി കോഴിക്കോട് സ്വദേശി സന്തീപുമാണ് അറസ്റ്റിലായത്. അലങ്കാര ബൾബുകൾ നഷ്ടപ്പെട്ടെന്ന പള്ളി സെക്രട്ടറിയുടെ പരാതിയിലും ഇൻവെർട്ടർ മോഷ്ടിച്ചെന്ന നഴ്‌സിംഗ് ഓഫീസറുടെ പരാതിയിലുമാണ് കരുനാഗപ്പള്ളി പൊലീസ് കേസെടുത്തത്. നിരവധി സിസിടിവി ദൃശ്യങ്ങൾ പരിശോധിച്ചാണ് പൊലീസ് പ്രതികളെ പിടികൂടിയത്.
