തിരുവനന്തപുരം : വീട്ടിലെ ടെറസിന് മുകളിൽ കഞ്ചാവ് ചെടി നട്ടുവളർത്തിയ യുവാവ് അറസ്റ്റിൽ. വഴിച്ചാൽ നുള്ളിയോട് സ്വദേശി ശ്രീജിത്താണ് അറസ്റ്റിലായത്. ഒരു കത്തികുത്ത് കേസിലെ രണ്ടാം പ്രതിയാണ് ശ്രീജിത്ത്. ബുധനാഴ്ച രാത്രിയാണ് കാട്ടാക്കട ഡിവൈഎസ്പിയുടെ നേതൃത്വത്തിൽ ശ്രീജിത്തിന്റെ വീട്ടിൽ പരിശോധന നടത്തിയത്. തുടർന്നാണ് പരിശോധനയ്ക്കിടെ വീടിന്റെ ടെറസിൽ വളർത്തിയിരുന്ന കഞ്ചാവ് ചെടി പോലീസ് കണ്ടെത്തിയത്. ഇതേത്തുടർന്ന് പ്രതിക്കെതിരെ കേസെടുത്ത് അറസ്റ്റ് രേഖപ്പെടുത്തി. രണ്ട് ദിവസം മുൻപാണ് സുഹൃത്തിനെ ശ്രീജിത്ത് കുത്തിയത്. ശ്രീജിത്തിനെ കഞ്ചാവ് കേസിൽ കൂടി പ്രതി ചേർത്താണ് അറസ്റ്റ് ചെയ്തിരിക്കുന്നത്.
