കോഴിക്കോട് : ഞായറാഴ്ചത്തെ കോഴിക്കോട്-അല് ഐന്-കോഴിക്കോട് എയര് ഇന്ത്യ എക്സ്പ്രസ് വിമാനത്തിന്റെ സമയത്തില് മാറ്റം. ഒക്ടോബര് ഒന്നിലെ IX 335 വിമാനത്തിന്റെ സമയത്തിലാണ് മാറ്റമുള്ളത്. വിമാനം കോഴിക്കോട് നിന്ന് ഉച്ചയ്ക്ക് ശേഷം 3.15 ന് പുറപ്പെടും. വൈകിട്ട് 6.15ന് അല് ഐനില് എത്തും. തിരികെ അല് ഐനില് നിന്ന് വൈകിട്ട് 7.15 ന് പുറപ്പെട്ട് രാത്രി 12.25 ന് കോഴിക്കോട് എത്തും. കൂടുതല് വിവരങ്ങള്ക്ക് ട്രാവല് ഏജന്സികളുമായോ എയര് ഇന്ത്യ എക്സ്പ്രസ് ഓഫീസുകളുമായോ ബന്ധപ്പെടണമെന്ന് അധികൃതര് അറിയിച്ചു. നിലവിലെ സമയക്രമ പ്രകാരം കോഴിക്കോട് നിന്ന് രാവിലെ 9.10 ന് പുറപ്പെട്ട് 11.50 ന് വിമാനം അല് ഐനില് എത്തും. തിരികെ അല് ഐനില് നിന്ന് ഉച്ചയ്ക്ക് 12.50 ന് പുറപ്പെട്ട് വൈകിട്ട് ആറു മണിക്ക് കോഴിക്കോട് എത്തുന്നതാണ് പതിവ്.
