മണ്ണഞ്ചേരി: യുവാവ് കുളിമുറിയിൽ കുഴഞ്ഞ് വീണു മരിച്ചു. മണ്ണഞ്ചേരി പഞ്ചായത്ത് 19-ാം വാർഡ് കുമ്പളത്ത് വെളിയിൽ അബ്ദുസ്സമദ് സമദാനി (സമദാനി – 38) ആണ് ഞായർ രാവിലെ തൊഴിൽ സ്ഥാപനത്തിലേക്ക് പോകുന്നതിന് മുൻപ് പ്രഭാത കൃത്യങ്ങൾ നിർവഹിക്കവേ കുളിമുറിയിൽ കുഴഞ്ഞ് വീണത്. ഉടനെ ആലപ്പുഴയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കലവൂർ ടി കെ ചിക്കൻ സ്റ്റാളിലെ ജീവനക്കാരനായിരുന്നു. വൈകിട്ട് 4 ന് ഖബറടക്കം നടത്തി. വണ്ടകത്ത് ഷെരീഫാണ് പിതാവ്. മാതാവ് സൗദ. ഭാര്യ: റഹിന. മക്കൾ: അഹമ്മദ് ഹാത്തിം, ഹിബാ മറിയം.
