വാഷിങ്ടൺ: ഇസ്രായേൽ – ഹമാസ് യുദ്ധത്തിനിടെ പലസ്തീന് പിന്തുണ പ്രഖ്യാപിച്ച് രംഗത്തെത്തിയതിന്റെ പേരിൽ ചലച്ചിത്ര താരം മിയ ഖലീഫയ്ക്ക് കോടികളുടെ നഷ്ടം. മിയ ഖലീഫ എന്നറിയപ്പെടുന്ന ചലച്ചിത്ര നടി സാറാ ജോ ചാമൗണുമായുള്ള കരാറുകൾ കനേഡിയൻ യുഎസ് കമ്പനികൾ നിർത്തലാക്കിയതോടെയാണിത്. കനേഡിയൻ ബ്രോഡ്കാസ്റ്ററും റേഡിയോ അവതാരകനുമായ ടോഡ് ഷാപ്പിറോ ബിസിനസ്സ് ഇടപാടുകൾ അവസാനിപ്പിക്കുകയാണെന്ന് ട്വീറ്റ് ചെയ്തു. “മിയ ഖലീഫ, ഇത് വളരെ ഭയാനകമായ ഒരു ട്വീറ്റാണ്. നിങ്ങളെ ഇപ്പോൾ തന്നെ പുറത്താക്കിയതായി കരുതുക. വെറുപ്പുളവാക്കുന്നു. അല്ലെങ്കിൽ വെറുപ്പിന് അപ്പുറം. പരിണമിച്ച് ഒരു മികച്ച മനുഷ്യനാകൂ. നിങ്ങൾ മരണം, ബലാത്സംഗം, അടിപിടി, എന്നിവയെ അംഗീകരിക്കുന്നു എന്നത് വസ്തുതയാകാം. ബന്ദികളാക്കൽ യഥാർത്ഥത്തിൽ അതിനപ്പുറമാണ്. നിങ്ങളുടെ അറിവില്ലായ്മയെ വിശദീകരിക്കാൻ വാക്കുകളില്ല. ഞങ്ങൾ മനുഷ്യർ ഒരുമിക്കാൻ ആഗ്രഹിക്കുന്നു, പ്രത്യേകിച്ച് ദുരന്തമുഖത്ത്. ഏറെ വൈകിപ്പോയെങ്കിലും നിങ്ങൾ നല്ലൊരു വ്യക്തിയാകാൻ ഞാൻ പ്രാർത്ഥിക്കുന്നു’-എന്നുമാണ് ടോഡ് ഷാപ്പിറോ കുറിച്ചത്. സയണിസ്റ്റുകളെ പിന്തുണയ്ക്കുന്നവരുടെ കരാര്‍ തനിക്കു വേണ്ടെന്ന മറുപടിയുമായി മിയ ഖലീഫയും രംഗത്തെത്തി.
