കോഴിക്കോട് : കൊയിലാണ്ടിയില്‍ കഞ്ചാവുമായി രണ്ടു യുവാക്കളെ പോലീസ് പിടികൂടി. കൊയിലാണ്ടി ഗോപിനിവാസ് സുനില്‍ (30), കൊയിലാണ്ടി മാവുള്ളി പുറത്തൂട്ട് ഷമീര്‍ (30) എന്നിവരെയാണ് പോലീസ് അറസ്റ്റ് ചെയ്തത്. കൊയിലാണ്ടി എസ്.ഐ എം.എന്‍. അനൂപും സംഘവും പട്രോളിംങ്ങ് നടത്തവെയാണ് 110 ഗ്രാം കഞ്ചാവുമായി രണ്ടു യുവാക്കള്‍ പിടിയിലാകുന്നത്. പോലീസിനെ കണ്ടപ്പോള്‍ പരുങ്ങിയ ഇവരെ സംശയം തോന്നി പരിശോധിച്ചപ്പോഴാണ് കഞ്ചാവ് കണ്ടെത്തിയത്. പോലീസ് സംഘത്തില്‍ സോജന്‍, ബിനീഷ് തുടങ്ങിയവരാണുണ്ടായിരുന്നത്. കോടതിയില്‍ ഹാജരാക്കിയ യുവാക്കളെ റിമാന്റ് ചെയ്തു.
