തിരുവനന്തപുരം> മൈനിങ്‌ ആന്റ്‌ ജിയോളജി വകുപ്പ്‌ ഡയറക്ടർ ഹരിത വി കുമാറിന്‌ വനിത ശിശു വികസന ഡയറക്ടറുടെ അധിക ചുമതല കൂടി നൽകി. എച്ച്‌ ദിനേശനെ സാമൂഹ്യനീതി ഡയറക്ടറായി മാറ്റി നിയമിച്ചു. സാമൂഹ്യ സുരക്ഷാ മിഷൻ എക്‌സിക്യുട്ടീവ്‌ ഡയറക്ടറുടെ പൂർണ അധിക ചുമതലയും അദ്ദേഹത്തിനായിരിക്കും.
കോഴിക്കോട് കലക്ടറായിരുന്ന എ ഗീതയെ ലാൻഡ്‌ റവന്യൂ കമീഷണറായി നിയമിച്ചു. ലാൻഡ്‌ ബോർഡ്‌ സെക്രട്ടറിയുടെയും ഇൻസ്റ്റിറ്റ്യൂട്ട്‌ ഓഫ്‌ ലാൻഡ്‌ ആന്റ്‌ ഡിസാസ്‌റ്റർ മാനേജ്‌മെന്റ്‌ ഡയറക്ടറുടെ പൂർണ ചുമതലയും എ ഗീതയ്‌ക്കുണ്ടാകും. ജോയിന്റ്‌ ലാൻഡ്‌ റവന്യു കമീഷണർ അർജുൻ പാണ്ഡ്യനെ ഹൗസിങ്‌ കമീഷണറായി നിയമിച്ചു. സാമൂഹിക സന്നദ്ധസേന ഡയറക്ടറുടെയും യൂത്ത്‌ ലീഡർഷിപ്പ്‌ അക്കാദമി ഡയറക്ടറുടെയും ചീഫ്‌ സെക്രട്ടറിയുടെ സ്റ്റാഫ്‌ ഓഫീസറുടെയും സംസ്ഥാന ഹൗസിങ്‌ ബോർഡ്‌ സെക്രട്ടറിയുടെയും പൂർണ അധിക ചുമതലയും അദ്ദേഹത്തിനുണ്ടാകും.
