തിരുവനന്തപുരം : സ്വർണവിലയിൽ ഇന്നും വർധന. ഒരു ഗ്രാം സ്വർണത്തിന് വില 70 രൂപ വർധിച്ചു. ഇതോടെ 22 കാരറ്റിന്റെ ഒരു ഗ്രാം സ്വർണത്തിന് വില 5640 രൂപയിലെത്തി. ഒരു പവൻ സ്വർണത്തിന് വില 45,120 രൂപയാണ്. ഈ വർഷം ഏപ്രിൽ 5ന് സ്വർണവില ഗ്രാമിന് 95 രൂപ വർധിച്ച് 5625 രൂപയും പവന് 760 രൂപ വർധിച്ച് 45,000 രൂപയിലും എത്തിയിരുന്നു. പിന്നാലെ മെയ് 5ന് സ്വർണവില സർവ്വകാല റെക്കാർഡ് ആയ 5720 രൂപ (ഗ്രാമിന്)യിലും പവന് 45760 രൂപയിലും എത്തിയത്.
