കാസർകോട്> കേരള കേന്ദ്ര സർവകലാശാല വൈസ് ചാൻസലർ ഡോ. എച്ച് വെങ്കിടേശ്വർലു (64) അന്തരിച്ചു. സംസ്കാരം ശനി പകൽ രണ്ടിന് ഹൈദരാബാദ് തരനക ജിഎച്ച്എംസി ചന്ദ്രമതി ആര്യൻ ശ്മശാനത്തിൽ. ഹൈദരാബാദ് തരണക സ്വദേശിയാണ്. ഹൈദരാബാദിലെ ആശുപത്രിയിൽ ശനിയാഴ്ച പുലർച്ചെ അന്തരിച്ചതായി വൈസ് ചാൻസലർ ഇൻ ചാർജ് കെ സി ബൈജു അറിയിച്ചു.
ഹൈദരാബാദിലെ ഒസ്മാനിയ സർവകലാശാലയിലെ കൊമേഴ്‌സ് പ്രൊഫസറായ വെങ്കിടേശ്വർലു 2020 ആഗസ്റ്റ് 14നാണ് കേരള സെൻട്രൽ യൂണിവേഴ്‌സിറ്റിയുടെ മൂന്നാമത്തെ വൈസ് ചാൻസലറായി ചുമതലയേറ്റത്.
കഴിഞ്ഞ ആഗസ്റ്റ് 12 ന് പെരിയയിലെ ഔദ്യോഗിക വസതിയിൽ അബോധാവസ്ഥയിൽ കണ്ടെത്തുകയായിരുന്നു. കാഞ്ഞങ്ങാട്ടെ സ്വകാര്യ ആശുപത്രിയിൽ ആൻജിയോപ്ലാസ്റ്റി കഴിഞ്ഞ് കണ്ണൂരിലെ ആസ്റ്റർ മിംസിലേക്ക് മാറ്റി. അവിടെ ഒരു മാസത്തോളമായി ഗുരുതരാവസ്ഥയിലായിരുന്നു. പിന്നീട് ഹൈദരാബാദിലേക്ക് മാറ്റി. അവിടെ ചികിത്സയിലായിരുന്നു.
