കൊച്ചി: എറണാകുളം നോര്ത്ത് പൊലീസ് സ്റ്റേഷനിലെ കംപ്യൂട്ടര് ഹാക്ക് ചെയ്തെന്ന് പരാതി. കഴിഞ്ഞ മാസമായിരുന്നു സംഭവം. കംപ്യൂട്ടറിലെ എല്ലാ ആപ്പുകളുടെയും യൂസര് നെയിമും പാസ്വേർഡും ഇ-മെയില് വിലാസങ്ങളും ഹാക്കര്മാര് ചോര്ത്തി. സംഭവത്തിൽ നോർത്ത് പൊലീസ് സ്റ്റേഷൻ എസ് എച്ച് ഒ കെ.ജി പ്രതാപ ചന്ദ്രന്റെ പരാതിയില് ഐടി ആക്ട് പ്രകാരം പൊലീസ് കേസെടുത്ത് അന്വേഷണം ആരംഭിച്ചു.
ക്രിമിനലുകളുടെ വിവരങ്ങള് ശേഖരിച്ചിരിക്കുന്ന ക്രൈം ഡ്രൈവ്, ജനങ്ങള്ക്ക് പരാതി അറിയിക്കാനുള്ള പോല് ആപ്പ്, പൊലീസുകാരുടെ എല്ലാ വിവരങ്ങളും അടങ്ങിയ ഡയല് എ കോപ് ആപ്പ് തുടങ്ങിയ ആപ്പുകളാണ് കമ്പൂട്ടറിലുണ്ടായിരുന്നത്. ഹാക്ക് ചെയ്യപ്പെട്ടതോടെ കമ്പൂട്ടറിലെ എല്ലാ ആപ്ലിക്കേഷനുകളുടെയും യൂസെര് നെയിമും പാസ് വേര്ഡുകളും പൊലീസ് മാറ്റി.
