കോഴിക്കോട്> സിപിഐ എം നടത്തുന്ന പലസ്തീന് ഐക്യദാര്ഢ്യ റാലിയിലേക്ക് ലീഗിനെ ക്ഷണിക്കുമെന്ന് സിപിഐ എം കോഴിക്കോട് ജില്ലാ സെക്രട്ടറി പി മോഹനന് മാസ്റ്റര്. കോണ്ഗ്രസിനെ കൂട്ടുപിടിച്ച് ഇസ്രയേല് അനുകൂല പ്രസംഗം കേള്ക്കാനില്ലെന്നും ലോകമെമ്പാടുമുള്ള ജനങ്ങള് ഒന്നിച്ച് നില്ക്കേണ്ട വിഷയമായിട്ടാണ് സിപിഐ എം പലസ്തീന് വിഷയത്തെ കാണുന്നതെന്നും മാധ്യമങ്ങളോട് പ്രതികരിക്കുന്നതിനിടെ മോഹനന് മാസ്റ്റര് പറഞ്ഞു.’ലീഗ് നേതൃത്വത്തിന്റെ പരസ്യമായ പ്രതികരണത്തെ നല്ല മനസോടെ സ്വാഗതം ചെയ്യുന്നു.ഏക സിവില് കോഡ് വിഷയത്തില് ക്ഷണിച്ചപ്പോള് അവരുടെ പ്രയാസം അവര് അറിയിച്ചു.
മുന്നണിയില് നില്ക്കുമ്പോള് വരാന് പ്രയാസമുണ്ട് എന്നാണ് പറഞ്ഞത്. പ്രയാസമുണ്ടാക്കേണ്ട എന്ന് കരുതിയാണ് പരസ്യമായ ഒരു പ്രതികരണത്തിന് പോകാതിരുന്നത്. ഇപ്പോള് ലീഗ്, ക്ഷണിച്ചാല് പങ്കെടുക്കുമെന്ന് പറഞ്ഞ നിലക്ക് ക്ഷണിക്കും. 11 ന് നടക്കുന്ന പലസ്തീന് ഐക്യദാര്ഢ്യ റാലിയിലേക്കും പൊതു സമ്മേളനത്തിലേക്കും ക്ഷണിക്കും’, -മോഹനന് മാസ്റ്റര് വ്യക്തമാക്കി.
