ആലുവ: മദ്യപിച്ച് യാത്രക്കാരോട് അപമര്യാദയായി പെരുമാറിയ സ്വകാര്യ ബസ് കണ്ടക്ടർ പിടിയിൽ. ബസും പൊലീസ് കസ്റ്റഡിയിലെടുത്തു. ആലുവ – മലയാറ്റൂർ റൂട്ടിൽ സർവീസ് നടത്തുന്ന സെന്റ് സെബാസ്റ്റ്യൻ ബസും കണ്ടക്ടർ ശ്രീമൂലനഗരം സ്വദേശി അനിയെയുമാണ് കാലടി പൊലീസ് കസ്റ്റഡിയിലെടുത്തത്. ഞായറാഴ്ച വൈകീട്ട് 7.30 ഓടെയായിരുന്നു സംഭവം. യാത്രക്കാരുടെ പരാതി തുടർന്നാണ് പൊലീസ് ഇടപെട്ടത്.
