വയനാട് : നവകേരള സദസ്സിനെ പരിഹസിച്ച് സാദിഖലി ശിഹാബ് തങ്ങൾ. പേരില്‍ ജനസമ്പര്‍ക്കമെങ്കിലും ജനങ്ങള്‍ സമ്പര്‍ക്കത്തിലേര്‍പ്പെടാന്‍ മുന്നോട്ടുവന്നിട്ടില്ല. യുഡിഎഫിനെ ശക്തിപ്പെടുത്തി ലീഗ് മുന്നോട്ടുപോകുമെന്നും അദ്ദേഹം മുസ്ലിം ലീഗ് വയനാട് ജില്ലാ നേതൃയോഗത്തിൽ പറഞ്ഞു. മൊബൈല്‍ മിനിസ്ട്രി കേരളത്തില്‍ മാത്രമാണ്. ഓടിക്കൊണ്ടിരിക്കുകയാണ് സര്‍ക്കാര്‍. ജനസമ്പര്‍ക്കം എന്തെന്ന് ലോകത്തിന് പഠിപ്പിച്ചത് യുഡിഎഫ്ആണ്. ലോകം തന്നെ ഇത് ചര്‍ച്ചചെയ്തത് ഉമ്മന്‍ചാണ്ടി കാരണം. സര്‍ക്കാര്‍ പ്രവര്‍ത്തനത്തിലെ വീഴ്ച ജനങ്ങള്‍ മനസിലാക്കുന്നു എന്നും അദ്ദേഹം പറഞ്ഞു.
