തിരുവനന്തപുരം : സ്റ്റേഷനിനുള്ളില്‍ പ്രതി പോലീസിനെ വെട്ടി പരിക്കേല്‍പ്പിച്ചു. തിരുവനന്തപുരം അയിരൂര്‍ പോലീസ് സ്റ്റേഷനില്‍ ഇന്ന് രാവിലെയാണ് സംഭവം. അനസ് ഖാന്‍ എന്ന പ്രതിയാണ് അയിരൂര്‍ സ്റ്റേഷനിനുള്ളില്‍ വെച്ച് പോലീസുകാരനെ വെട്ടിപരിക്കേല്‍പ്പിച്ചത്. പോലീസുകാരനായ ബിനുവിനെയാണ് ആക്രമിച്ചത്. മറ്റൊരു പ്രതിയുമായി കൈവിലങ്ങിട്ടിരിക്കുകയായിരുന്നു. ആക്രമിച്ചശേഷം ആ പ്രതിയെയും കൊണ്ട് അനസ് ഖാന്‍ പുറത്തേക്ക് ഓടുകയായിരുന്നു. ഓടിയ പ്രതിയെ പിന്നീട് പിടികൂടി. പോലീസുകാരനെ കുത്തി കൊല്ലാന്‍ ശ്രമിച്ചതിന് അനസിനെതിരെ നേരത്തെയും കേസുണ്ട്.
