കിളിമാനൂർ: ഹോട്ടലുകളിൽ നിന്നുള്ള മാലിന്യം ടാങ്കർ ലോറിയിൽ ശേഖരിച്ച് റോഡരികിൽ ഒഴുക്കിയ കേസിൽ ഡ്രൈവറെ കിളിമാനൂർ പോലീസ് അറസ്റ്റു ചെയ്തു. ആലപ്പുഴ ചുനക്കര മഹാദേവ ക്ഷേത്രത്തിന് സമീപം തറയിൽ പടിയാട്ടത്തിൽ വീട്ടിൽ അജിത് സലിം (25) ആണ് അറസ്റ്റിലായത്. പഴയകുന്നുമ്മേൽ ഗ്രാമ പഞ്ചായത്ത് അധികൃതരുടെ പരാതിയിലാണ് നടപടി. ഡിസംബർ 15-ന് പുലർച്ചെ ഒന്നിന് നെല്ലിക്കുന്നു മുതൽ ചെമ്പകശ്ശേരി വരെയുള്ള ഭാഗത്ത് റോഡരികിലാണ് മാലിന്യം ഒഴുക്കിവിട്ടത്. വാഹനം പോലീസ് കസ്റ്റഡിയിലെടുത്തു.
