പാലക്കാട് : മണ്ണാർക്കാട് വിയ്യക്കുർശ്ശിയിൽ നിന്ന് ജെസിബി മോഷ്ടിച്ച സംഭവത്തിൽ രണ്ടു പേർ അറസ്‌റ്റിൽ. തമിഴ്‌നാട് സേലം തെക്കംപ്പെട്ടി കാർത്തിക് , ദിമാപുരം ചിന്നസേലം പെരിയസ്വാമി എന്നിവരെയാണ് മണ്ണാർക്കാട് പോലീസ് അറസ്‌റ്റ് ചെയ്‌തത്‌. ജെസിബിയും മോഷണത്തിന് ഉപയോഗിച്ച കാറും പോലീസ് പിടിച്ചെടുത്തു. ബുധനാഴ്‌ച രാത്രിയാണ് വിയ്യക്കുർശ്ശിയിൽ നിർത്തിയിട്ടിരുന്ന മോഷണം പോയത്. തെങ്കര സ്വദേശി അബുവിന്റെതാണ് ജെസിബി. അബു പോലീസിൽ നൽകിയ പരാതിയിൽ മണ്ണാർക്കാട് പോലീസ് പ്രത്യേക സ്ക്വാഡ് രൂപീകരിച്ച് നടത്തിയ അന്വേഷണത്തിനൊടുവിലാണ് പ്രതികൾ വലയിലായത്.
