ചെന്നൈ: തമിഴ്നാട് തെങ്കാശിയിൽ, വിചിത്ര ഹെൽമെറ്റുമായി ബൈക്കിൽ അഭ്യാസ പ്രകടനം നടത്തിയ യുവാവിനെതിരെ നടപടിയുമായി പൊലീസ്. 23കാരനായ സുജിത് ആണ് പൊലീസിന്റെ പിടിയിൽ ആയത്. ഇയാളുടെ ബൈക്കും പിടിച്ചെടുത്തു. കുറ്റാലം ബസ് സ്റ്റാൻഡ് പരിസരത്താണ് ബണ്ണി ഹെൽമെറ്റ്‌ ധരിച്ച്, സാഹസികമായി ബൈക്ക് ഒടിച്ച് പരിഭ്രാന്തി പരത്തിയത്. ദൃശ്യങ്ങൾ സാമൂഹിക മാധ്യമങ്ങളിൽ പ്രചരിച്ചതിനു പിന്നാലെ മോട്ടോർ വാഹന നിയമപ്രകാരം കേസെടുത്തു. 10,000 രൂപ പിഴ ചുമത്തി വിട്ടയാക്കാനാണ് നിലവിലെ തീരുമാനം.
