കോട്ടയം : വെള്ളൂര് കെ.പി.പി.എല്ലിലെ ന്യൂസ് പ്രിന്റ് ഉല്പാദനം പുനരാരംഭിച്ചെന്ന് മന്ത്രി പി രാജീവ്. പ്ലാന്റിലുണ്ടായ തീപിടുത്തത്തെ തുടര്ന്നു പൂര്ണ്ണമായും നിലച്ച ന്യൂസ്പ്രിന്റ് ഉല്പാദനമാണ് നവംബര് 28ന് വൈകുന്നേരം ഏഴ് മണിയോടു കൂടി പുനരാരംഭിച്ചതെന്ന് രാജീവ് പറഞ്ഞു. തൊഴിലാളികളും ഉദ്യോഗസ്ഥരും അടക്കമുള്ള മുഴുവന് ജീവനക്കാരും യുദ്ധകാലാടിസ്ഥാനത്തില് നടത്തിയ പ്രവര്ത്തനത്തിലൂടെയാണ് ന്യൂസ്പ്രിന്റ് ഉല്പാദന പ്രക്രിയ പുനരാരംഭിച്ചത്. അപ്രതീക്ഷിതമായുണ്ടായ തീപിടുത്തം സ്ഥാപനത്തിന്റെ ഭാവി പദ്ധതികളെ ബാധിക്കാതെ കൈകാര്യം ചെയ്യാനായി എന്നത് ആത്മവിശ്വാസം വര്ധിപ്പിക്കുന്നെന്നും മന്ത്രി അറിയിച്ചു.
