യുപി: ഉത്തർപ്രദേശിൽ അബദ്ധത്തിൽ പൊലീസ് സ്റ്റേഷനിൽ വച്ച് വെടിയേറ്റ സ്ത്രീ മരിച്ചു. യുപിയിലെ അലിഗഢിലാണ് സംഭവം. പൊലീസ് സ്റ്റേഷനിൽ വച്ച് ഉദ്യോഗസ്ഥന്റെ വെടിയേറ്റ് ചികിത്സയിലായിരുന്ന സ്ത്രീയാണ് മരിച്ചത്. ഡിസംബർ 8 ന് കോട്വാലി പൊലീസ് സ്റ്റേഷനിൽ വച്ചാണ് ദാരുണമായ സംഭവം. പാസ്‌പോർട്ട് വെരിഫിക്കേഷനുമായി ബന്ധപ്പെട്ടാണ് 52 കാരിയായ ഇസ്രത്ത് നിഗർ കോട്വാലി സ്റ്റേഷനിൽ എത്തിയത്. ഈ സമയം
സ്റ്റാഫിൽ നിന്ന് തോക്ക് പരിശോധിക്കുകയായിരുന്ന എസ്ഐ മനോജ് കുമാർ ശർമ്മയിൽ നിന്ന് ഇസ്രത്തിന് വെടിയേൽക്കുകയായിരുന്നു. തലയ്ക്ക് സാരമായി പരുക്കേറ്റ യുവതിയെ അലിഗഡ് മുസ്ലീം യൂണിവേഴ്‌സിറ്റിയിലെ ജെഎൻ ആശുപത്രിയിലിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
