രക്തത്തിലെ പഞ്ചസാരയുടെ അളവ് നിയന്ത്രിക്കാന് ഭക്ഷണത്തില് തന്നെയാണ് ആദ്യം ശ്രദ്ധിക്കേണ്ടത്. കാര്ബോഹൈട്രേറ്റ് കുറഞ്ഞ, കലോറി കുറഞ്ഞ, ഫൈബര് ധാരാളം അടങ്ങിയ ഭക്ഷണങ്ങളാണ് പ്രമേഹ രോഗികള് കഴിക്കേണ്ടത്. അത്തരത്തില് രക്തത്തിലെ പഞ്ചസാരയുടെ അളവിനെ കുറയ്ക്കാന് കഴിക്കേണ്ട കാര്ബോഹൈട്രേറ്റ് കുറഞ്ഞ ചില ഭക്ഷണങ്ങളെ പരിചയപ്പെടാം…
ഒന്ന്…
ബെറി പഴങ്ങളാണ് ആദ്യമായി ഈ പട്ടികയില് ഉള്പ്പെടുന്നത്. കാര്ബോഹൈട്രേറ്റ് കുറഞ്ഞ പഴങ്ങളാണ് ബെറി പഴങ്ങള്. കൂടാതെ ഇവയില് ആന്റി ഓക്സിഡന്റുകളും ധാരാളം അടങ്ങിയിട്ടുണ്ട്. അതിനാല് ഇവ രക്തത്തിലെ പഞ്ചസാരയുടെ അളവ് കൂടാതെ നിലനിര്ത്തും.
രണ്ട്…
മുട്ടയാണ് രണ്ടാമതായി ഈ പട്ടികയില് ഉള്പ്പെടുന്നത്. കാര്ബോഹൈട്രേറ്റ് കുറഞ്ഞ, പ്രോട്ടീന് ധാരാളം അടങ്ങിയ മുട്ട കഴിക്കുന്നതും പ്രമേഹത്തെ നിയന്ത്രിക്കാന് സഹായിക്കും.
മൂന്ന്…
നട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. പ്രോട്ടീനും വിറ്റാമിനുകളും മറ്റ് ധാതുക്കളും ആരോഗ്യകരമായ കൊഴുപ്പും അടങ്ങിയ ബദാം, വാള്നട്സ്, നിലക്കടല തുടങ്ങിയ നട്സുകള് കഴിക്കുന്നതും രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
നാല്…
ഫാറ്റി ഫിഷാണ് നാലാമതായി ഈ പട്ടികയില് ഉള്പ്പെടുന്നത്. കൊഴുപ്പുള്ള മത്സ്യങ്ങളിൽ ഒമേഗ -3 ഫാറ്റി ആസിഡുകൾ അടങ്ങിയിട്ടുണ്ട്. അതിനാല് സാല്മണ് ഫിഷ് പോലെയുള്ളവ കഴിക്കുന്നത് പ്രമേഹ രോഗികള്ക്ക് നല്ലതാണ്.
അഞ്ച്…
ചീരയാണ് അടുത്തതായി ഈ പട്ടികയില് ഉള്പ്പെടുന്നത്. കാര്ബോഹൈട്രേറ്റ് കുറഞ്ഞ ചീരയില് ഫൈബറും മറ്റ് വിറ്റാമിനുകളും ധാരാളം അടങ്ങിയിട്ടുണ്ട്. അതിനാല് ചീര കഴിക്കുന്നതും പ്രമേഹ രോഗികള്ക്ക് നല്ലതാണ്.
ആറ്…
സിട്രസ് പഴങ്ങൾ ആണ് ആറാമതായി ഈ പട്ടികയില് ഉള്പ്പെടുന്നത്. ഓറഞ്ച്, നാരങ്ങ, മുന്തിരി തുടങ്ങിയവയില് വിറ്റാമിൻ സി അടങ്ങിയിട്ടുണ്ട്. ഇവ പ്രമേഹ സാധ്യത കുറയ്ക്കാൻ സഹായിക്കും.
ഏഴ്…
ബദാം പാല് ആണ് അവസാനമായി ഈ പട്ടികയില് ഉള്പ്പെടുന്നത്. കാര്ബോഹൈട്രേറ്റ് ഒട്ടും തന്നെയില്ലാത്ത ഒന്നാണ് ബദാം മില്ക്ക്. കൂടാതെ ഇവയുടെ ഗ്ലൈസമിക് സൂചികയും കുറവാണ്. അതിനാല് ബദാം മില്ക്ക് പ്രമേഹ രോഗികള്ക്ക് ധൈര്യമായി കുടിക്കാം.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
