പല്ലുകളുടെ ആരോഗ്യം അഥവാ ദന്താരോഗ്യം സംരക്ഷിക്കേണ്ടത് ഏറെ പ്രധാനമാണ്. ആരോഗ്യവും അഴകുമുള്ള പല്ലുകള്ക്ക് വേണ്ടി കൃത്യമായ രീതിയില് വായ വൃത്തിയാക്കേണ്ടതും പ്രധാനമാണ്. പല്ലുകളുടെ ആരോഗ്യത്തിനായി വെള്ളം ധാരാളം കുടിക്കുക. കൂടാതെ ദന്താരോഗ്യത്തിന് പോഷകങ്ങള് അടങ്ങിയ ഭക്ഷണങ്ങള് തന്നെ കഴിക്കണം. പല്ലുകളുടെ ആരോഗ്യത്തിനായി ഡയറ്റില് ഉള്പ്പെടുത്തേണ്ട ചില ഭക്ഷണങ്ങള് എന്തൊക്കെയാണെന്ന് നോക്കാം…
ഒന്ന്…
ഇലക്കറികളാണ് ആദ്യമായി ഈ പട്ടികയില് ഉള്പ്പെടുന്നത്. ഇവയില് അടങ്ങിയിരിക്കുന്ന വിറ്റാമിന് എ, ബി, ഫോളിക് ആസിഡ് എന്നിവ പല്ലിന്റെയും മോണയുടെയും ആരോഗ്യം മെച്ചപ്പെടുത്താന് സഹായിക്കും. അതിനാല് ചീര, ബ്രൊക്കോളി തുടങ്ങിയ ഇലക്കറികള് ഡയറ്റില് ഉള്പ്പെടുത്താം.
രണ്ട്…
ക്യാരറ്റാണ് രണ്ടാമതായി ഈ പട്ടികയില് ഉള്പ്പെടുന്നത്. വിറ്റാമിന് എയും മറ്റ് ആന്റി ഓക്സിഡന്റുകളും അടങ്ങിയ ക്യാരറ്റ് കഴിക്കുന്നതും പല്ലുകളുടെ ആരോഗ്യത്തിന് ഏറെ ഗുണം ചെയ്യും.
മൂന്ന്…
ആപ്പിള് ആണ് അടുത്തതായി ഈ പട്ടികയില് ഉള്പ്പെടുന്നത്. പല്ലുകളില് ക്യാവിറ്റി ഉണ്ടാകുന്നതു തടയാന് ആപ്പിള് സഹായിക്കും. ആപ്പിളില് ധാരാളമായി ഫൈബര് അടങ്ങിയിട്ടുണ്ട്. ഇത് മോണയുടെ ആരോഗ്യത്തിന് ഏറെ നല്ലതാണ്.
നാല്…
സ്ട്രോബെറി ആണ് നാലാമതായി ഈ പട്ടികയില് ഉള്പ്പെടുന്നത്. വിറ്റാമിന് സി ധാരാളം അടങ്ങിയിരിക്കുന്ന സ്ട്രോബെറി ദന്താരോഗ്യത്തിന് നല്ലതാണ്.
അഞ്ച്…
നെല്ലിക്കയാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിന് സി ധാരാളം അടങ്ങിയിരിക്കുന്ന ഇവയും പല്ലുകളുടെ ആരോഗ്യത്തിന് നല്ലതാണ്.
ആറ്…
പാലും പാലുത്പന്നങ്ങളും ആണ് ആറാമതായി ഈ പട്ടികയില് ഉള്പ്പെടുന്നത്. പാല്, ചീസ്, തൈര് എന്നിവയില് കാത്സ്യം, ഫോസ്ഫറസ് എന്നിവ അടങ്ങിയിട്ടുണ്ട്. ഇത് പല്ലിന്റെ ഇനാമലിനെ സംരക്ഷിക്കുകയും പല്ലിന്റെ ആരോഗ്യം നിലനിര്ത്തുകയും ചെയ്യും.
ഏഴ്…
നട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. പോഷകങ്ങളും വിറ്റാമിനുകളും അടങ്ങിയ ഇവ കഴിക്കുന്നത് പല്ലുകളുടെ ആരോഗ്യത്തിന് ഏറെ നല്ലതാണ്. അതിനാല് ബദാം, വാള്നട്സ് തുടങ്ങിയവ ഡയറ്റില് ഉള്പ്പെടുത്താം.
എട്ട്…
ഒമേഗ 3 ഫാറ്റി ആസിഡ് അടങ്ങിയ സാല്മണ് പോലെയുള്ള മത്സ്യങ്ങളും പല്ലുകള്ക്ക് നല്ലതാണ്.
ഒമ്പത്…
പയറു വര്ഗങ്ങളാണ് അടുത്തതായി ഈ പട്ടികയില് ഉള്പ്പെടുന്നത്. ഫോളിക് ആസിഡ്, മഗ്നീഷ്യം, സിങ്ക്, അയേണ് തുടങ്ങിയവ അടങ്ങിയ പയറു വര്ഗങ്ങളും പല്ലുകളുടെ ആരോഗ്യം സംരക്ഷിക്കാന് സഹായിക്കും.
പത്ത്…
ഗ്രീന് ടീയാണ് അവസാനമായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകള് ധാരാളം അടങ്ങിയ ഇവയും പല്ലുകളുടെ ആരോഗ്യത്തിന് നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
