കൊച്ചി : സില്വര് ലൈന് പദ്ധതിയുമായി ബന്ധപ്പെട്ട ഹൈക്കോടതി സിംഗിള് ബെഞ്ചിന്റെ ഇടക്കാല ഉത്തരവ് ചോദ്യം ചെയ്ത് സര്ക്കാര് സമര്പ്പിച്ച അപ്പീല് ഡിവിഷന് ബെഞ്ച് ഇന്ന് പരിഗണിക്കും. അപ്പീല് ഹര്ജി ഇന്നലെ പരിഗണനയ്ക്ക് വന്നെങ്കിലും ഡിവിഷന് ബെഞ്ച് ഇന്നത്തേക്ക് മാറ്റുകയായിരുന്നു. ഹര്ജിക്കാരുടെ ഭൂമിയില് കെ റെയിലിനായി സര്വേ നടത്തരുതെന്നായിരുന്നു ഹൈക്കോടതിയുടെ ഇടക്കാല ഉത്തരവ്. ഈ തീരുമാനം സില്വര് ലൈന് പദ്ധതിയുടെ മുന്നോട്ടുളള പോക്കിനെ അട്ടിമറിക്കുമെന്നും സാമൂഹികാഘാത പഠനത്തെ തടസപ്പെടുത്തുമെന്നുമാണ് സര്ക്കാര് വാദം. പദ്ധതിക്കായി ഡിപിആര് തയാറാക്കിയത് എങ്ങനെയെന്ന് വിശദീകരിക്കണമെന്ന സിംഗിള് ബെഞ്ച് നിര്ദേശം ഒഴിവാക്കണമെന്നും ആവശ്യപ്പെട്ടിട്ടുണ്ട്.