കണ്ണനല്ലൂർ: പോലീസിനെ ആക്രമിച്ചയാൾ അറസ്റ്റിലായി. മുട്ടയ്ക്കാവ് നവാസ് മൻസിലിൽ എ. നൗഷാദ് (കെറു-48) ആണ് പിടിയിലായത്. കഴിഞ്ഞ രാത്രി 9.30ന് കുളപ്പാടം തൈക്കാവ് മുക്ക് ജങ്ഷന് സമീപമാണ് സംഭവം. പതിവ് പട്രോളിങ് ജോലിയിൽ ഏർപ്പെട്ടുവന്ന കണ്ണനല്ലൂർ സ്റ്റേഷനിലെ ജീപ്പിലുണ്ടായിരുന്ന സിവിൽ പോലീസ് ഉദ്യോഗസ്ഥനായ അരുണാണ് ആക്രമിക്കപ്പെട്ടത്. കണ്ണനല്ലൂർ ഇൻസ്പെക്ടർ യു.പി. വിപിൻകുമാറിന്റെ നേതൃത്വത്തിൽ എസ്.ഐമാരായ സജീവ്, രാജേന്ദ്രൻപിള്ള തുളസീധരൻപിള്ള എ.എസ്.ഐ മാരായ സതീഷ്, ബിജു, പ്രദീപ് സി.പി.ഒ മനു എന്നിവർ ചേർന്നാണ് പിടികൂടിയത്. ഇയാളെ റിമാൻഡ് ചെയ്തു.
