ന്യൂഡല്‍ഹി : രാജ്യത്ത് കോവിഡ് രോഗികളുടെ എണ്ണത്തില്‍ കുറവ്. 24 മണിക്കൂറിനിടെ 1,27,952 പേര്‍ക്കാണ് രോഗം സ്ഥിരീകരിച്ചത്. കഴിഞ്ഞ ദിവസത്തേക്കാള്‍ 14 ശതമാനം കുറവാണിത്. ടെസ്റ്റ് പോസിറ്റിവിറ്റി നിരക്ക് 9.2 ശതമാനത്തില്‍നിന്ന് 7.9 ശതമാനമായി കുറഞ്ഞു. 16,03,856 ടെസ്റ്റുകളാണ് നടത്തിയത്. പ്രതിവാര പോസിറ്റിവിറ്റി നിരക്ക് 11.21 ആണ്. 2,30,814 പേര്‍കൂടി രോഗമുക്തരായി. നിലവില്‍ 13,31,648 പേര്‍ക്കാണു രാജ്യത്തു രോഗം ബാധിച്ചിട്ടുള്ളത്. ഏതാണ്ട് നാല് കോടിയിലേറെ പേര്‍ ആകെ രോഗമുക്തരായി. കഴിഞ്ഞ 24 മണിക്കൂറില്‍ 1059 പേര്‍ മരിച്ചു. വെള്ളിയാഴ്ചതന്നെ രാജ്യത്തെ ആകെ മരണസംഖ്യ അഞ്ച് ലക്ഷം കടന്നിരുന്നു.
