തിരുവനന്തപുരം> തിരുവനന്തപുരത്തെ പിഎസ് സി പരീക്ഷയിലെ ആള്മാറാട്ടക്കേസില് പ്രതികള് കോടതിയില് കീഴടങ്ങി.രണ്ട് പേരെയും കോടതി റിമാന്ഡ് ചെയ്തു.
നേമം സ്വദേശികളായ അഖില്ജിത്ത് സഹോദരന് അമല്ജിത്ത് എന്നിവരാണ് കീഴടങ്ങിയത്.അമല്ജിത്തിനായി പരീക്ഷ എഴുതിയത് സഹോദരന് അഖില്ജിത്ത് ആണെന്നാണ് പൊലീസിന്റെ നിഗമനം. അമല്ജിത്തും അഖില്ജിത്തും ഒളിവില് പോയതാണ് പൊലീസിന് സംശയം ഇരട്ടിച്ചത്.
നിലവില് കേസ് അന്വേഷിക്കുന്ന പൂജപ്പുര പൊലീസ് ഇരുവരെയും ചോദ്യം ചെയ്യുന്നതിനായി വിട്ടുകിട്ടാന് കസ്റ്റഡി അപേക്ഷ നല്കും.കഴിഞ്ഞ ബുധനാഴ്ച പൂജപ്പുരയിലെ സ്കൂളിലെ പിഎസ് സി പരീക്ഷാസെന്ററില് ബയോ മെട്രിക് പരിശോധനയ്ക്കിടെ ഒരു ഉദ്യോഗാര്ത്ഥി ഇറങ്ങി ഓടിയതാണ് ആള്മാറാട്ടമാണെന്ന സംശയത്തിനിടയാക്കിയത്.
