തിരുവനന്തപുരം: തൃപ്പൂണിത്തുറ സ്ഫോടനത്തിൽ മരിച്ച വിഷ്ണുവിന്റെ മൃതദേഹം തിരുവനന്തപുരത്തെ വീട്ടിലെത്തിച്ചു. ഉള്ളൂരിലെ വീട്ടിൽ നാളെ രാവിലെ 8വരെ പൊതുദർശനത്തിന് വെക്കും. ഒമ്പത് മണിക്ക് മുട്ടത്തറ എസ്എൻഡിപി ശ്മശാനത്തിൽ മൃതദേഹം സംസ്കരിക്കും. ഫെബ്രുവരി 12നാണ് തൃപ്പൂണിത്തുറ പുതിയകാവ് ക്ഷേത്രത്തിലെ ഉത്സവത്തിനായി കൊണ്ടുവന്ന കരിമരുന്ന് പൊട്ടിത്തെറിച്ച് ഉഗ്രസ്ഫോടനമുണ്ടായത്. രണ്ട് പേരാണ് അപകടത്തിൽ മരിച്ചത്. നിരവധി വീടുകൾ തകർന്നു.
