തിരുവനന്തപുരം: സന്തോഷ് ട്രോഫി ഫൈനൽ റൗണ്ട് മത്സരങ്ങൾക്കായുള്ള കേരള ടീമിനെ പ്രഖ്യാപിച്ചു. നിജോ ഗിൽബർട്ട് ക്യാപ്റ്റനായിട്ടുള്ള 22 അംഗ ടീമിനെയാണ് പ്രഖ്യാപിച്ചത്. സതീവൻ ബാലൻ ടീമിന്റെ മുഖ്യപരിശീലകനായിരിക്കും. 77ാമത് സന്തോഷ് ട്രോഫി ദേശീയ ഫുട്ബാൾ ചാമ്പ്യൻഷിപ്പ് ഫെബ്രുവരി 21 ന് അരുണാചൽ പ്രദേശിലാണ് നടക്കുന്നത്.ഗ്രൂപ്പ് എയിൽ ആണ് കേരളം. ഫെബ്രുവരി 21 ന് അസമിനോടാണ് കേരളത്തിന്റെ ആദ്യ മത്സരം. 23 ന് ഗോവയോടും 25 ന് മേഘാലയയോടും 28 ന് അരുണാചലിനോടും മാർച്ച് ഒന്നിന് സർവീസസിനോടും കേരളം ഏറ്റുമുട്ടും.
കേരള ടീം:
ഗോൾ കീപ്പർമാർ: മുഹമ്മദ് അസ്ഹർ, സിദ്ധാർത്ഥ് രാജീവൻ, മുഹമ്മദ് നിഷാദ്.
പ്രതിരോധം: ബെൽഗിൻ ബോൾസ്റ്റൺ, സഞ്ജു ജി (വൈസ് ക്യാപ്റ്റൻ), ഷിനു ആർ, മുഹമ്മദ് സലീം, ശരത് കെ.പി, നിതിൻ മധു, അഖിൽ ജെ ചന്ദ്രൻ, സുജിത് വി.ആർ.
മധ്യനിര: നിജോ ഗിൽബർട്ട് (ക്യാപ്റ്റൻ), അർജുൻ വി, ജിതിൻ ജി, ഗിഫ്റ്റി ഗ്രാഷ്യസ്, മുഹമ്മദ് സഫ്നീദ്, അബ്ദറഹീം, അക്ബർ സിദ്ദീഖ്. മുന്നേറ്റ നിര: സജീഷ് ഇ, മുഹമ്മദ് ആഷിഖ്, നരേഷ് ബി, റിസ്വാൻ അലി ഇ.കെ.
