ഇംഫാൽ: കലാപം തുടരുന്ന മണിപ്പൂരിൽ സ്ഫോടനത്തിൽ ഒരാൾ കൊല്ലപ്പെട്ടു. മണിപ്പൂർ സർവകലാശാല ക്യാമ്പസിനുള്ളിൽ ഇന്നലെ രാത്രിയുണ്ടായ സ്ഫോടനത്തിലാണ് സംഭവം. രണ്ട് പേര്‍ക്ക് സംഭവത്തിൽ പരിക്കേറ്റതായും വിവരമുണ്ട്. ഓൾ ഇന്ത്യ മണിപ്പൂര്‍ സ്റ്റുഡന്റ്സ് യൂണിയൻ ഓഫീസിന് മുന്നിലായിരുന്നു സ്ഫോടനം നടന്നതെന്നാണ് വിവരം. ഇന്നലെ രാത്രി ഒൻപതരയോടെയാണ് സംഭവം. ഐഇഡി സ്ഫോടനമാണ് നടന്നത്. സംഭവത്തിൽ പരിക്കേറ്റ രണ്ട് പേരുടെ നില അതീവ ഗുരുതരമാണ്.
