കൊണ്ടോട്ടി > കൊണ്ടോട്ടിയിൽ കെഎസ്ആർടിസി ബസ് മറിഞ്ഞ് അപകടം. 11 പേർക്ക് പരിക്കേറ്റു. ഞായറാഴ്ച രാവിലെ 8 മണിയോടെയാണ് സംഭവം. പാലക്കാട്ടുനിന്ന് കോഴിക്കോട്ടേക്ക് പോവുകയായിരുന്ന ബസാണ് അപകടത്തിൽപ്പെട്ടത്. കൊണ്ടോട്ടി സ്റ്റാർ ജംഗ്ഷനിൽ വച്ച് ട്രാഫിക് ഡിവൈഡറിൽ തട്ടി ബസ് നിയന്ത്രണം വിട്ട് മറിയുകയായിരുന്നു. അപകടത്തെത്തുടർന്ന് പ്രദേശത്ത് ഏറെ നേരം ഗതാഗതം സ്തംഭിച്ചു. പരിക്കേറ്റവരെ കൊണ്ടോട്ടി റിലീഫ് ആശുപത്രിയിൽ പ്രവേശിപ്പിച്ചിരിക്കുകയാണ്. ആരുടെയും പരിക്ക് ഗുരുതരമല്ലെന്നാണ് വിവരം.
