ഇടുക്കി: അടിമാലിയില്‍ അഞ്ചു പേര്‍ പീഡിപ്പിച്ചതിനെ തുടര്‍ന്ന് ഷെല്‍ട്ടര്‍ ഹോമില്‍ കഴിയവെ കാണാതായ പതിനഞ്ചുകാരിയെ കണ്ടെത്തി. മൂവാറ്റുപുഴയില്‍ നിന്നാണ് തൊടുപുഴ പോലീസ് പെണ്‍കുട്ടിയെ കണ്ടെത്തിയത്. തൊടുപുഴ വെങ്ങല്ലൂര്‍ വഴി പെണ്‍കുട്ടി നടന്നു പോകുന്ന സി.സി ടി.വി ദൃശ്യങ്ങളുടെ അടിസ്ഥാനത്തില്‍ പോലീസ് നടത്തിയ അന്വേഷണത്തിലാണ് കുട്ടിയെ കണ്ടെത്തിയത്. വാഴത്തോപ്പില്‍ പരീക്ഷ എഴുതാന്‍ പോയി തിരികെ ബസില്‍ വരുന്ന വഴി ശനിയാഴ്ചയാണ് കുട്ടിയെ കാണാതായത്. സംഭവത്തില്‍ മറ്റാര്‍ക്കെങ്കിലും പങ്കുണ്ടോയെന്നും അന്വേഷണം തുടങ്ങിയിട്ടുണ്ടെന്ന് പോലീസ് അറിയിച്ചു.
