കൊച്ചി: മോന്സണ് മാവുങ്കല് പ്രതിയായ പുരാവസ്തു തട്ടിപ്പുകേസില് കെ.പി.സി.സി. അധ്യക്ഷന് കെ. സുധാകരനെ പ്രതിയാക്കി കുറ്റപത്രം. സുധാകരനെ രണ്ടാം പ്രതിയാക്കിയുള്ള കുറ്റപത്രം എറണാകുളം സി.ജെ.എം കോടതിയിൽ സമർപ്പിച്ചു. സുധാകരനെതിരെ ഗൂഢാലോചന കുറ്റവും ചുമത്തിയിട്ടുണ്ട്.പരാതിക്കാര് മോന്സണ് മാവുങ്കലിന് 25 ലക്ഷം രൂപ നല്കിയെന്നും ഇതില് 10 ലക്ഷം സുധാകരന് കൈമാറിയെന്നുമാണ് ക്രൈംബ്രാഞ്ചിന്റെ കണ്ടെത്തല്. എബിന് എബ്രഹാമാണ് മറ്റൊരു പ്രതി.ക്രൈംബ്രാഞ്ച് ഓഫീസില് വിളിച്ചുവരുത്തി കെ. സുധാകരനെ ചോദ്യംചെയ്തിരുന്നു. കേസില് തനിക്ക് പങ്കൊന്നുമില്ലെന്നായിരുന്നു സുധാകരന്റെ വാദം.
