തിരുവനന്തപുരം > 2024 – 25 അദ്ധ്യയന വർഷത്തേ സൗജന്യ സ്കൂൾ യൂണിഫോം പദ്ധതിയുടെ നെയ്ത്ത് കൂലി വ്യാഴാഴ്ച മുതൽ തൊഴിലാളികൾക്ക് വിതരണം ചെയ്യും. കൂലിയായി 10 കോടി രൂപ സർക്കാർ അനുവദിച്ചു. സംസ്ഥാനത്തെ 7000 ഓളം വരുന്ന നെയ്ത്ത് തൊഴിലാളികൾക്കാണ് തുക അനുവദിച്ചത്.
റംസാൻ – ഈസ്റ്റർ – വിഷു ആഘോഷങ്ങളുടെ പശ്ചാത്തലത്തിൽ തുക ലഭിച്ചത് സംസ്ഥാനത്തെ നെയ്ത്ത് തൊഴിലാളികൾക്ക് ആശ്വാസമാകും. ബാക്കിയുള്ള തുകയും വരും ദിവസങ്ങളിൽ അനുവദിക്കും. ഈ അധ്യയന വർഷം 40 ലക്ഷത്തോളം മീറ്റർ സൗജന്യ കൈത്തറി യൂണിഫോം സംസ്ഥാനത്തെ സ്കൂളുകളിൽ വിതരണം ചെയ്ത് കഴിഞ്ഞിട്ടുണ്ട്. വരുന്ന അധ്യയന വർഷത്തേ യൂണിഫോം വിതരണം 2024 മെയ് മാസത്തിൽ ആരംഭിക്കും.
