കോഴിക്കോട് : വെളളിമാട്കുന്ന് ബാലികാമന്ദിരത്തില് നിന്ന് കുട്ടികള് പുറത്തുകടക്കാന് ശ്രമിച്ച സംഭവത്തില് പ്രത്യേക സംഘം ഇന്ന് റിപ്പോര്ട്ട് നല്കും. പോലീസ്, ബാലക്ഷേമ സമിതി അംഗങ്ങള് എന്നിവരുള്പ്പെടുന്ന സംഘമാണ് ബാലികാ മന്ദിരത്തില് വിശദ പരിശോധന നടത്തി റിപ്പോര്ട്ട് തയ്യാറാക്കിയത്. സുരക്ഷാ വീഴ്ചസംഭവിച്ചെന്നാണ് സംഘത്തിന്റെ പ്രാഥമിക നിഗമനം. ആവശ്യത്തിന് സുരക്ഷാ ജീവനക്കാരോ, സിസിടിവി ക്യാമറകളോ സ്ഥാപനത്തില്ലെന്നും സമിതി കണ്ടെത്തി. ഇന്ന് സിറ്റി പോലീസ് കമ്മീഷണര്ക്ക് സമര്പ്പിക്കുന്ന റിപ്പോര്ട്ട് സര്ക്കാരിന് കൈമാറും. നേരത്തെ സംഭവത്തില് അന്വേഷണം നടത്തിയ വനിത ശിശുവികസന വകുപ്പിന്റെ റിപ്പോര്ട്ട് അനുസരിച്ച് ചില്ഡ്രന്സ് ഹോം സൂപ്രണ്ടിനും പ്രൊട്ടക്ഷന് ഓഫീസര് ഇന്സ്റ്റിറ്റിയൂഷന് കെയറിനുമെതിരെ വകുപ്പുതല നടപടി സ്വീകരിച്ച് ഇരുവരേയും സ്ഥലംമാറ്റിയിരുന്നു
ജനുവരി 26നാണ് ചില്ഡ്രന്സ് ഹോമിലെ ആറ് പെണ്കുട്ടികള് ഒളിച്ചു കടന്നത്. കാണാതായ ആറു പേരില് രണ്ടു കുട്ടികളെ ബംഗളൂരുവില് നിന്നും നാലു പേരെ മലപ്പുറം എടക്കരയില് നിന്നുമാണ് കണ്ടെത്തിയത്. ബാലമന്ദിരത്തിലെ മോശം സാഹചര്യം കാരണമാണ് പുറത്തുകടക്കാന് ശ്രമം നടത്തിയതെന്ന് കുട്ടികള് മൊഴിനല്കിയിരുന്നു. മാത്രവുമല്ല ഒരു സുരക്ഷയുമില്ലാതെയാണ് ഹോമിന്റെ പ്രവര്ത്തനമെന്നും വ്യക്തമായിരുന്നു.
ബംഗളൂരിവില് നിന്ന് പിടിയിലായ പെണ്കുട്ടികള്ക്കൊപ്പം രണ്ട് യുവാക്കളെ കസ്റ്റഡിയില് എടുത്തിരുന്നു. കൊടുങ്ങല്ലൂര് സ്വദേശി ഫെബിന് റാഫി, കൊല്ലം സ്വദേശി ടോം തോമസ് എന്നിവരെ ആണ് ചേവായൂര് പോലീസ് അറസ്റ്റ് ചെയ്തത്. ഇവര്ക്കെതിരെ പോക്സോ 7,8 വകുപ്പുകള് പ്രകാരവും ജുവനൈല് ജസ്റ്റിസ് ആക്ട് 77 എന്നിവ ചേര്ത്തുമാണ് കേസ് രജിസ്റ്റര് ചെയ്തിരിക്കുന്നത്.
