കാഞ്ഞങ്ങാട് കാസര്കോട് ലോക്സഭാ മണ്ഡലത്തിലെ യുഡിഎഫ് സ്ഥാനാര്ഥി രാജ്മോഹന് ഉണ്ണിത്താന്റെ വിജയസാധ്യതയില് സംശയം പ്രകടിപ്പിച്ച് യുഡിഎഫ് ജില്ലാ ചെയര്മാനും മുസ്ലിംലീഗ് ജില്ലാ പ്രസിഡന്റുമായ കല്ലട്ര മാഹിന്ഹാജി. ലോക്സഭാ മണ്ഡലം തെരഞ്ഞെടുപ്പ് കമ്മിറ്റി ചെയര്മാനുമാണ് ഇദ്ദേഹം. കാഞ്ഞങ്ങാട് പാലക്കി കണ്വന്ഷന് സെന്ററില് തിങ്കളാഴ്ച നടന്ന നേതൃയോഗത്തില് അധ്യക്ഷപ്രസംഗം നടത്തുകയായിരുന്നു മാഹിന്ഹാജി. ഈ സമയം അവിടെയുണ്ടായിരുന്ന മാധ്യമപ്രവര്ത്തകരെ പ്രതിപക്ഷനേതാവ് വി ഡി സതീശന് പുറത്താക്കി. ബൂത്തുതലത്തില് യുഡിഎഫിന്റെ പ്രവര്ത്തനം പോരെന്നും സ്ഥാനാര്ഥിയുടെ ആത്മവിശ്വാസംകൊണ്ടുമാത്രം ജയിക്കാന് കഴിയില്ലെന്നും മാഹിന്ഹാജി പറഞ്ഞു. ഈ സമയത്താണ് മാധ്യമപ്രവര്ത്തകര് പുറത്തുപോകണമെന്ന് പ്രതിപക്ഷനേതാവ് പറഞ്ഞത്. പ്രതിപക്ഷനേതാവിന്റെ ഓഫീസില്നിന്നുള്ള അറിയിപ്പനുസരിച്ചാണ് മാധ്യമപ്രവര്ത്തകര് യോഗത്തിനെത്തിയത്.
