കോഴിക്കോട്> അമിതഭാരം കയറ്റിയ ടിപ്പര്‍ ലോറിയില്‍ നിന്ന് കരിങ്കല്ല് റോഡരികിലേക്ക് തെറിച്ചുവീണു. കൂടരഞ്ഞി മേലെ കൂമ്പാറയിലാണ് സംഭവം.ആളുകളുടെയോ വാഹനങ്ങളുടെയോ മേല്‍ കല്ല് തട്ടാതിരുന്നതിനാല്‍ വന്‍ അപകടമാണ് ഒഴിവായത്.
സ്‌കൂള്‍ വിദ്യാര്‍ഥികളടക്കമുള്ള യാത്രക്കാര്‍ ബസ് കാത്തുനില്‍ക്കാറുള്ള സ്ഥലത്തിനു തൊട്ടടുത്താണ് കല്ല് വന്നുവീണത്. കൂമ്പാറ മാതാളി ക്വാറിയില്‍ നിന്നും കരിങ്കല്‍ ലോഡുമായി പോകുകയായിരുന്നു ടിപ്പര്‍. സ്ഥിരമായി അമിതഭാരം കയറ്റിയാണ് ഇവിടത്തെ ലോറികള്‍ പോവുന്നതെന്ന് നാട്ടുകാര്‍ ആരോപിച്ചു.
